جوه الزنزانة ناس مساجين
عايشين لكن مش فاهمين
والكل قاعد متربط والصمت يسود
جوه الزنزانة ناس بائسين
سامعين لكن مش شايفين
والكل واقف فى طابوور رايح للموت
محبوس يارب في زنزنتك والعمر يفوت
والدنيا الحلوة بتندهلي وانا هنا مربوط
قررت اتمرد على سجنك قررت أثور
هاكسر القفل وهاعدي وهاشوف النور
بره الزنزانة ناس تانين
عايشين لكن خايفين
والكل بيجري ويتخانق خايف على القوت
بره الزنزانة ناس تايهين
شايفين لكن مش فاهمين
والكل حزين لكن يضحك ويبان مبسوط
ده الناس يارب بعيد عنك هم المساجين
فاكرينها زيي دي الدنيا لكن مساكين
واالحظة يارب في وجودك تسوى الملكوت
رجعني لحضنك لو ينفع لو حتى هموت
كلمات : جورج لطفي
ألحان مايكل كمال توزيع مايكل كمال عود بيتر عادل صولو : ريمون صابر
التعليقات