كل لما بفتكر اخر مرة اتفارقنا
السبب كان الضياع هو نفس طريقنا
اللي اختارها قلبي الموت خدها مش اتفاقنا
قطر الوهم والادمان توهنا كان سارقنا
الصحاب بنت الحرام تشيطن الشيطان
من سيجارة فاضية بعد منها الجوان
رغم كنت طالب بس توهت ف مهرجان
اسمه يلا سهرة هات كاشات تروق يا مان
كنت فاكر كبيري الچوان وهكتفي
للاسف اللي حسبته غير اللي انا فيه
حلوة بلوة بيكرتوها قدامي free
لفو دولار وقالو شد عادي هيجرا ايه
مخي يعمل ڤيبريشن عيني لي تبكسل
اللي داري بيه مش هو اللي كان بيحصل
ضحك ضحك لو تشوفني هتقول ده ممثل
بس دي حالتي فعلا فاصل انا لي مكسل
لما اشوفني ف المراية وشي وش مكي
لما كان في سكة الضياع بيقول ويحكي
لو رجع شريط حياته كان ما يشكي
ما مشاش الطريق اللي خلاه علي نفسه يبكي
بعد ما كنت من اوائل الطلاب
ابقي انا افشل واحد ف صف الصحاب
من اللي دوقته
مش داري في أعراض انسحاب
وسط كله بس عقلي انا غياب
عيني تلمح اغلي واحلي بنوته ف زماني
فجأة قلبي بعد ما دبل صحي ف ثواني
هي برضه اختارت تعيش جنبي وعشاني
ابتدت قصتنا انا وهي بشكل تاني
تحكيلي قصة حياتها واحكيلها حياتي
فجأة حبنا يزيد كانت جنبي يوماتي
جربت نفس اللي انا جربته شبه حالاتي
في يوم وليلة تبقي مدمنة زيي ليلاتي
كل يوم زي ما بنقسم اللقمة سوا
نفس السموم بالنسبة لينا الكيف ده كان دوا
ف يوم وليلة تاخد الجرعة يدخلها هوا
نور عيني توصل لاعلي وأسود محتوي
شفتها قصاد عنيا بتموت بالبطئ
كل دقة عقرب النفس فيها يديق
جنبها بصرخ و مش بإيدي اي شئ
مش داري زيها برضه ف دوامة غريق
راحت كل حاجة فرحي بعديها تنحى
لما فوقت قلبي قالي بكرهك ما تصحا
ضيعت بنت حياتي بعدها No فرحة
القرار ساعتها كان لازم اروح مصحة
نصيحة من اخ ليك
قبل ما تفكر تجرب والفضول يوصلك للمرحلة دي افتكر كويس انك مش هتكون نفس الإنسان كل حاجة فيك هتتغير وهتأذي اقرب الناس ليك لو مفكر أن اللي انت فيه ده اسوأ مرحلة مرت علي الكوكب وانك اكتر حد مظلوم وعايز تنتحر افتكر دايما أن لا يكلف الله نفسا إلا وسعها وافتخر انك قادر تستحمل ده اوعي تستسلم للادمان وتدمر حياتك وحياة اقرب الناس ليك ..... " فوق قبل ما يبقي صعب الرجوع "
التعليقات