سنيني بتعدي ثواني
وانا لسه واقف مكاني
كل يوم في نفس السيناريو
حقيقي الحال ده اذاني
هموم فوق هموم كل يوم
وعيني نسيت طعم النوم
لو شالني الحمل اللي انا شايلاه
انا هلمس بايدي الغيوم
عيني عين عاللي جرالي
انا حالي والله حزين
الاكتئاب بقى ساكن في الشرايين
طب اهرب من العذاب ده
واروح منه على فين انا حياتي دراما
جوايا نار اتهد حيلي وحياتي بقيت دمار
عندي انفصام مبقتش عارفه اخد قرار
بنسى كتير ما انا دماغي فيها مليون حوار
عقلي بقى فدوامة
مفتقد نفسي مش لاقيني
والفرحة بطّلت تجيلي
يا دموعي ليه مصاحبه عيني
ما تبعدي عني حليني
مسجونه في فكرة حزينة
وحاسه اني عايشها زينة
كمالة عدد في السفينة
تخصصي ادوار حزينة
مش تمام بقيت مريض نفسي
من كتر ما عشت في الام
بقول هتحلى واضحك على نفسي بالكلام
بهرب بالنوم علشان اعيش نفسي في الاحلام
اصل الواقع رافضني
مات الشغف بقى طريقي
ملهوش ملامح ولا هدف
ضحكتي راحت مني
محتاجه ضحكة سلف
وقلب جديد عشان قلبي
خلاص تعب نزف
من الحزن اللي تاعبني
التعليقات