وسط وشوش فرحانه وسمرا
وسط عيون هنا ليها سحر مش عادي
فيها الطيبة وفيها البسمة
فيها حضارة أهلي وأجدادي
تلقى الخير والقلب الصافي
بضحكة بتعلا تطوف كل الوادي
يشرق نور الشمس الدافي
علي أرض جميلة
هنا في حضن بلادي
في جنوب مصر بلاد النوبه
بحروف في تاريخ مكتوبة
أرضها غالية ومحبوبة
دي مهد النور أرض الأمان
لو جيت هنا مره هترجع تاني
وتقول النوبه وحشاني
هنا روح وسلام ومعاني
مش موجودة تاني في أي مكان
زي طفلة جميلة بترسم
نيل ومراكب وبيوت بتضحكلك
وأيادي معاك في همومك تقسم
ووقت افراحك من قلبها تفرحلك
تسمع صوت مزيكا بتعزف
بدفوف مليانة بهجة وأغاني
على وتر القلب لايمكن توصف
رقصها وغناها في أي مكان تاني
في جنوب مصر بلاد النوبه
بحروف في تاريخ مكتوبة
أرضها غالية ومحبوبة
دي مهد النور أرض الأمان
لو جيت هنا مره هترجع تاني
وتقول النوبه وحشاني
هنا روح وسلام ومعاني
هنا رقص وزينة وأغاني
مش تاني في أي مكان
التعليقات