تدك الهجوس الداله الي على مركاه
يالين يتزبن قمة المرقب العالي
ولعاد هي لحية مواويل ولا آه
هنا جرأة الابداع في حبك الامثالي
أنا الشاعر الي لا بغاه الشعر يلقاه
وأنا هيبه الكلمه على كل الاحوالي
وانا الي ماكلً يقدر يعرف وش مغزاه
وانا المجرم الي من ظروفه مهو خالي
يتيم الأبو لاكن ماني يتيم الجاه
اوقف بوجه الضيق لو أصمل لحالي
ولا دور الشهره ولا ولفت لـنتباه
انا شابع وراوي من المر والحالي
يامسك الختام / الليل ماشي على مسراه
ولا ودي أن الصبح يطلع ونا سالي
أبفتح لك كتاب الصدر كانك بتقراه
وبفرد لك ظلوعي من الجال للجالي
تدلل وخذ عمري فدا وخذني وياه
انا مشيدً لك عرش أكابر ومنزالي
يوديك بعض الضن فيني وانا والله
تجيبك طواري العشق دايم على بالي
احبك ملخص تجربه واعشقك مشهاه
واحفظك ونا الي ماحفظ رقم جوالي
يامهرة عقيدً يدحم الجمع فلمثناه
ليا من سرجها رد الاول على التالي
انا من غرامك بري حالي ويا عزاه
يامشفي جروحي كلها يآخر امالي
تعال لحبيبً حط قلبه على يمناه
جلس ينتظرك بقمة المرقب العالي
التعليقات