دايمًا بعد كل ليل مطوّل
لازم ييجي تاني أخرُه نور
صدفة تيجي تمد إيدها
تخلي كل الكون يدور
فات سنين كتير وفضلت عايش
حاسس إنه لسه مش مكاني
ناس بتمشي وتيجي غيرها
والحياة ملهاش معاني
وامّا شفتك كل حاجة
يومها فيا اتغيرت
اول مرة لما حد يضحك
ألقى روحي نوّرت
روح بقالها سنين بتدبل
وانتي جيتي وضمتيها
كل قيمة تايهة رجعت
والحياة بقى ليا فيها
حسيت إن الدنيا لسه فيها
دنيا ليا جديدة تاني
وإن كل نهاية فاتت
شايله خير متشال عشاني
وإني بيكي لقيتني برسَى
بعد توهه لقيت مكاني
دُمتي نوري وجنب مني
دُمتي باقيالي وأماني
وامّا شفتك كل حاجة
يومها فيا اتغيرت
اول مرة لما حد يضحك
ألقى روحي نوّرت
روح بقالها سنين بتدبل
وانتي جيتي وضمتيها
كل قيمة تايهة رجعت
والحياة بقى ليا فيها
التعليقات