عادي نبقى بنختلف
يبقى رأيك عكس رأيي والكلام من غير خلاف
انطباعنا بيتعرف
لما نتقبل آراءنا مهما كان بينا اختلاف
شكل طبع ودين ولون
مش بيتشافوا بعيون
كل عين هتشوف بزاوية
واحنا هنسئ الظنون
بص من كل الزوايا
شوف معاني الصورة كاملة
تكتشف كل الحقيقة
وتختلف بينّا المعاملة
ادي نفسك فرصة تفهم
قبل م الأحكام تسوقك
ليه تعيب وتعادي غيرك
لو لقيته عكس ذوقك
زاوية ممكن تبقى شايف
نص منها ونُص لأ
تيجي تحكم ع اللي ظاهر
يتكشف باقي الورق
تلقى كل اللي انت شفته
كان مجرد جزء خاين
و ان نص الصورة ناقص
وانت صدقت اللي باين
بص من كل الزوايا
شوف معاني الصورة كاملة
تكتشف كل الحقيقة
وتختلف بينّا المعاملة
ادي نفسك فرصة تفهم
قبل م الأحكام تسوقك
ليه تعيب وتعادي غيرك
لو لقيته عكس ذوقك
التعليقات