حبيتك حب ما حبيته لأي حدا غيرك
وهبتك قلب يبقى معك شو ما كان مصيرك
عنفس الدرب بدنا نمشي انا و انتي سوا
انتي الطب والعلاج لقلبي انتي الدوا
حبي الك ما عم لاقيله اي وصف
بحبك عم جاهد حبك ممنوع من الصرف
السعادة عرفتا باليوم اللي تعرفت عليكي فيه
قلبي مقدم هدية بس ياريتك تحبيه
ما تنسيه تحميه تعرفي تقدريله القيمة
انا مقدر قيمة قلبك قيمته عندي ثمينة
قلبي نطق اسمك مع دقة من نبضاته
انتي عمره انتي روحه انتي حبه انتي حياته
نظراته بتقول يا حياتي بحبك موت
جملة بتطلع من تمه مع كل همسة مع كل صوت
يا حياتي بحبك موت بحبك صرت انسان راقي
من كل قلبي وبصراحة حبنا الى الابد باقي
للابد حبك بدو يبقى بحر ماله حدود
بوجودك انا باقي و بدونك مالي وجود
مشتاق ضمك لفك بوسك حطك بين الايدين
ريحك من التعب نيمك على الرمشين
من لما حبنا انولد بقدرنا حبنا انكتب
بارادة واحد احد رح يبقى حبنا للابد
حب واضح صريح وفي صادق باخلاص
رح نبقى انا وانتي بهالدنيا اسعد اشخاص
بشكل خاص رح نغرد متل عصافير الحب
رح نطير نعلي بالسما الهموم نكب
الماضي ننسا شو ما كان من فعل او لون
الحاضر متل الاوكسجين و الماضي متل الكربون
قد الكون رح قلك بحبك ان سألتيني
كرمال حبي لالك ما بريدك تكوني حزينة
للابد بدي تبقي حدي لو شو ما كان
بوجودك حدي رح ابقى اسعد انسان
التعليقات