لا تتطلع فيني نظرة متفاجئ
آخر شي تمسك فيه هو المبادئ
كرمال مبدأ ما بتستاهل تكون خاسر
أبعاده وين بتوديك فلا تعاند يا شاطر
فلحتى كون صادق
مافي شي بدمرك
غير تكون صاحب مبادئ
عندك ما بغيرك
يمكن حتى لو كنت خاطئ
غيرك يلي بسيرك
منك لو ماكان في رادع ما في قوة فيا تغيرك
مالك صاحب اي مبدأ لكنك هيك تربيت
مبدأ بيك عمك خالك جوا مخك احتويت
يمكن صاحبك او استاذك أثر زيادة عليك
بالنهاية ولا مبدأ منن عن قناعة هويت
بالبداية هويت
كونك معجب عم تقلد شخص معتبره قدوة حبيت
بعد مدة من الزمن بدون شعور اتبنيت
حاربت بلا وعي دافعت عنه حميت
الأعمى
يشوف اكتر منا
مننسخ شو بيعجبنا
هيك العادة عنا
ترا نحن مو نحن
الخطا راكبنا
بالتقليد الاعمى
حياة بلا معنى
بنقلد شو شفنا
بنحكي شو سمعنا
معظمنا متبني مبادئ مو معروفة منين
عادات من كتر التشبث صارت عبادات
تقاليد ما بتسوا وقت الغلى فرنكين
وجبت علينا الطاعة كأننا روبوتات
عادات تقاليد أصول مبنية على حماقة
جهل بأمور كل شي تقليد أعمى برشاقة
مجتمع متخلف جاهل يدعي التقدم
اي بس بالاسم بس بالواقع انريه
كل شي عم يتكرر
بدعة مبارح اليوم صارت عبادة واكتر
ممنوع علينا نفكر
محرم نتفكر
او حتى نسأل
ليش هيك عم نعمل
كالببغاء
شو منسمع لازم يتكرر
كالاغبياء
شو منشوف لازم نعمل
الأعمى
يشوف اكتر منا
مننسخ شو بيعجبنا
هيك العادة عنا
ترا نحن مو نحن
الخطا راكبنا
بالتقليد الاعمى
حياة بلا معنى
بنقلد شو شفنا
بنحكي شو سمعنا
الأعمى
التعليقات