حلب كيفك شو اخبارك اشتقتلك و انا فيكي
اشتقت شوف الجنة اللي كانت عاراضيكي
اشتقت للامان اللي كان فيكي من زمان
الحنان على ارضك مو موجود بأي مكان
ليش قلبتي جهنم ليش دمنا ما عاد يرويكي
ليش فوق كل شي قدمناه ما عرفنا كيف نداريكي
ليش انقطعت فيكي كل مقومات الحياة
يا ام الخير ما عاد يرتاحوا فيكي حتى الاموات
النور فيكي تحول لظلام دامس
كل قطرة دم منك صارت هلق نزيف دائم
ليش العز فيكي قلب ذل تعذيب وقهر و ظلم
واللي كان متفائل فيكي هلق صار متشائم
اقسى انواع العنف اعنف انواع القتل
افظع انواع التعذيب للي اله و ماله دخل
شو اللي تغير شو اللي حصل ليش تحولتي جهنم
النار فيكي رايحة تقرض كل ذرية بني ادم
يا ام الشهداء ما بقيلي فيكي غير الشهداء
فدا ترابك الغالي يا حلب الشهباء
لكن حاج تنادي لغيري صوتك مو مسموع
يا حلب حاج تجبريني اذرف الدموع
مين غيري عم ينجرح عم ينسفك دمه عم ينزف
غيري مين عم يتعذب مين عم يتألم
قلق دائم مين غيري عحاله ما عاد يأمن
بيت مين غيري عم ينقصف عم ينحرق عم يتهدم
امهاتك عم يبكوا على اطفالن على حالن
دموعن عم تذرف من عيونن متل شلالات مضيئة
ليغسلوا بدموعن جثث و اشلاء شهدائن
ويكفنون و يدفنون لهالضحايا البريئة
اطفالك يلي ما زالوا بمراحل النمو
عالقصف و التقتيل و الدماء عم يتربوا
صاروا يشوفوا الاشلاء و الدماء بدل الماء
شوفوا عم يشوفوا الاموات بدل ما يشوفوا الاحياء
اغتصاب فتيات هن في عمر الزهور
يا ترا لم من يرى ما يحدث لا يثور
الصبية عم تنباع و عم تنشرى بالدولار
العرض صار عرض استئجار و استثمار
شبابك عم ينخطفوا و هم لسا بعز شبابن
يلي بالزور عم يشتغلوا ليطعموا اهلن و عيالن
يلي انخطفوا يلي اعتقلوا يلي بالنهاية انقتلوا
شو ذنبن او شو ذنب اهلن يلي منن انحرموا
يا ام الشهداء ما بقيلي فيكي غير الشهداء
فدا ترابك الغالي يا حلب الشهباء
لكن حاج تنادي لغيري صوتك مو مسموع
يا حلب حاج تجبريني اذرف الدموع
مين غيري عم ينجرح عم ينسفك دمه عم ينزف
غيري مين عم يتعذب مين عم يتألم
قلق دائم مين غيري عحاله ما عاد يأمن
بيت مين غيري عم ينقصف عم ينحرق عم يتهدم
التعليقات