مساحة إعلانية
و انا صُغير زي اي طفل قالولي احلم
احلم تبقى زي كدا و مش هتندم
كُنت عايز ابقى superman بس دا مُجرد خيال
نسيوا يقولولي لو هتحلم احلم حاجة فالامكان
كُل حاجة بتبان يوم عن اللي قبلُه
انا كُنت اسوأ طفل مُدرس مُمكن يقابلُه
مكنتش احب اسمع كلام حد فـ حاجة مش عايز اعملها
انا اللي كان يشبط فـ حاجة و مُستحيل يسيبها.
شبطت فـ حاجة تقريباً كُل الناس بتحبها
و اد حُب الناس ليها كُنت بحبها
كتبت فـ ورقة احلامي "فـ يوم انا هبقى حاجة"
فـ بقت الكورة بالنسبالي مصدر سعادة
كان عادي عندي اسيب دروسي و ابقى فالتمرين
مش هنحقق احلامنا طب احلامنا تروح لـ مين؟
كان عندي موهبة و هفوز بس معييش فلوس
فـ اتقلب الحلم فجأة لـ كابوس
Lost in the crowd, screaming these words out loud,
one day i`ll be something..
Lost til i`m found, screaming my truth out now,
One day i`ll be something..
غصب عنك تتخنق تحس قلبك يتحرق
لما تشوف مكانك يتسرق و تداري جواك الوجع
سنة وراها سنة، انا خلاص مبقيتش انا..
مع ان كان صعب اتغير زي ما صعب نغير الهوا
يأست مكانش فى حاجة تُذكر اعملها
تبُص لـ نفسك فالمراية تحزن فـ تعاتبها
تلهي نفسك فـ شُغل و قاعدة بليل على القهاوي
و اديك دلوقتي بتسمعني و تسمع حكاوي.
حبيت المزيكا و حبيت اني اغني راب
حتى لو محدش سمعك حاجة تطلع ايه جواك
المُهم اني ميأستش
وقعت كتير و مستسلمتش
فوق مـ اللي انتَ فيه اياك تقول حلمك اتقتل
مادام قادر تقوم امحي من حياتك كلمة فشل
انا اللي حلمت الف حلم تقريباً احلام كدابة.
و لسه كاتب عـ الورقة فـ يوم انا هبقى حاجة.
Lost in the crowd, screaming these words out loud,
one day i`ll be something..
Lost til i`m found, screaming my truth out now,
One day i`ll be something..
التعليقات