ف الغياب قربتي مني يمكن اكتر م الحضور
قلبي ضلم بعد منك عيني مابتلمحش نور
كل حاجه قصادي صورتك كل كلمه اسمعها صوتك
كنتي كل حاجه ليا وكنت أحب كمان سكوتك
لسه ريحتك ف المكان ده كل مسكه ايد وسانده
كل ركن زمان جمعنا ضحكنا وايام وجعنا
وكل يوم كنتي فيه كل زكري معاكي كانت
كل مره تقولي هانت كل كلمه خلي بالك
صعب اعيش بعدك وأصدق أن دي النهايه
والحياه اول ماتبدا فجاه تبقي مش معايا
الحياه ف عيوني انتي كنتي بيتي وكنتي بنتي
والنهارده بقيت بشوفك كل ماببص ف مرايا
الزمن واقف ف بعدك عند لحظه معينه
شكلي لسا زي ماهو روحي كبرت الف سنه
الحاجات مش هي هي كل حاجه بقت عاديه
لسه متعلق مابين فرصه رايحه وفرصه جايه
علمتينى اخاف توحشينى ومالقاكيش
وأبقى نفسى انساكى جدا وأبقى نفسى مانساكيش
يا دارى بكل أحوالى يا حالى الحالى ف خيالى
عشان خاطر عشم خاطرى ماتخطرليش على بالى
كل تفاصيلك قصادي قلبي بين حاضر وماضي
سبتي ركن ف روحي فاضي متملاش من يوم ماغبتي
لسا فاكر اني كنت ماسك فيكي ونتي سيبتي
لسه بعد ماغبتي شايفك صاحبتي وامي وحبيبتي
مجاش علي بالي اني أمسك فيكي ونتي تسيبي
واشوفك لما توحشيني صورتك ف حلمي تجيني
واشوف ف عنيكي كل زكره بنا واسرح فيكي
حبيتك جيتي عليا ياما و كنت بشتريكي
كنت احكيلك ع اللي سابوني ومشيو ف تطمنيني
طمنتيني ووعدتيني تبقيلي وف الاخر سبتيني
انا مش زعلان وديني انتي كنتي كتير عليا
و بغبائي ضيعتك .. ف ثانيه من بين أيديا
التعليقات