ملطشة
وبقيت هفية وملطشة
ولا فيه انشكاح ولا فرفشة
دايما كئيب معرفش ليه
ملطشة ..
والفرح من وشي اختفى
والحزن رايته مرفرفة
ماشي خلاص اتكعبل فيه
وآه بقا يانا يا حظي البائس
ليه بقت فجأة مضلمة خالص
وماحدش فاهم ولا حاسس
كله مفكرني مقضيها
واشتكي ليه خليني بقا ساكت
حتى أمل شكلها كدة ماتت
كله عليا بيجي وحاطط
واديني صابر وممشيها
مقفلة ..
وهموم كتيرة متلتلة
بطلع أنا من مشكلة
على كارثة مش بلحق أفوق
مقفلة ...
قلبي جراحه مشكلة
في الصبر ضارب أمثلة
عشمان يا عيني في يوم تروق
كلمات: محمد شكري
غناء وألحان: منة محي
توزيع موسيقي: حسن شعبان
التعليقات