كلمات اغنية هشام السيد – أكتوبر

الله اكبر

اديتنا امان

صايحه وهزت كل مكان

فتحت باب النصر قصادنا

زادت قوة ف عزم ولادنا

رجعت تضحك تانى بلادنا

بعد سنين جرح واحزان

الله اكبر

بكل امان

ست سنين بنعيد قوتنا

حلفنا مانرجع تانى لبيتنا

إلا وراية النصر ف ايدنا

وترجع تانى بلدنا امان

بدأت حرب الاستنزاف

ضربنا وصيبنا ف الاهداف

بكل جرائه ومين هيخاف

عمر ماكان المصرى جبان

رجعت من تاني البطولات

فى رأس العش وضرب ايلات

وغيرهم ياما كتير حكايات

بقت النكسة كان ياما كان

بعون الله جهزنا سلاحنا

وخطة نصر تداوي جراحنا

زراعنا الصبر خلاص وطرحنا

وكان الخير فى نهار رمضان

كل العالم شافنا أستغرب

قالو اكيد م النار راح نهرب

نسيو أننا من نيلنا بنشرب

وقت الشدة المصرى يبان

بسم الله وبالف سلامه

رجع الحق بكل كرامه

سيبنا لكل الدنيا علامه

هتفضل عايشة ف كل زمان