انا اكتر واحد متردد
لا عجبني قديمي ولا بجدد
بيخوني الحكم ساعات علي ناس
من كتر ما كدبت الاحساس
بخسر وباقول اهو خير وخلاص
فواتير اخطاء وبتتسدد
بنصح غيري وانا باهملني
وان حاول حد يفهمني
بقفل علي نفسي بعيد وأهرب
وده ينساني وده يستغرب
بس اللي يكون فعلا جرب
هو اللي يجوز يتحملني
يمكن يتحس كلامي غريب
وساعات بتصنف اني كئيب
وانا بعذرهم علشان عارف
مين فيهم يعرف او شايف
ايه جوايا ومن ايه خايف
دي الوحده تخلي الشعر يشيب
التعليقات