كدابين الزفه كترو
والنفاق عدي الحدود
والقلوب الصافيه ندرو
والقطط قلبت اسود
شوطه عدت ع المبادئ
دمرتها بكل قسوة
حولت كداب لصادق
علت اللي مكانش يسوي
دوسنا ع اللي معانا طيب
واتفقنا مع اللي ظالم
جيلنا أصبح جيل يشيب
خلي جاهل يبقي عالم
الحكاية عايزة واقفه
ويا روحنا للعتاب
محتاجين ع الخد ساقفه
تفوق العقل اللي خاب
محتاجين ١٠٠ الف ثورة
وانتفاضة متنتهيش
لما يبقي الستر عوره
وكله علني ومندرايش
ايه اللي ناقص تاني لسه
في الغلط معملنهوش
اي طبع خيانه خسه
نشوف ونسكت منعيبوش
الخلاصه فينا احنا
نصلح اللي مكسرينه
نتغسل من جوه روحنا
وقلبنا اللي مسودينه
هي فوقه وبيها نرجع
تاني ونصلح حياتنا
ذكري لينا تعيش و تنفع
ايه هيبقي غير سيرتنا
التعليقات