ارض الواقع هنا مفيش اوضح منها
اما انت بتهرب م الحقيقه بس عشان منتاش قدها
خوفوك مـ الحق خلوك دايما بتمدحلها$
علموك تشوفها بتغلط من سكات و تسقفلها
أقول أسود يقولو فاتح مجتمع غريب بأمانه
مش فاهم .. ليه شايف الشياكه سب ديانه!
حرقت قلب الام بتكتر لما بتكتر الشهامه
و بتسأل فين الغابه كانك مش عايش معانا
مسيري هبقي حاجه حتي لو من غير شهاده
طب ادي الشهاده و ادي المجموع فين الفلوس يباشا
بص لحالك اديك ساكت اهو و مش لاقي اجابه
هزه وسط من صافينار بـ ست اصفار فهمت حاجه!!!
محاط بـ ناس جعانه حسسوني اني فـ مجاعه
شوفت بعيني بلدي و هيا بتسحب حلمي ع البلاعه
دي الأمانه !! اللهم لا شماته
قال اي بيقولو مش اهمالا مات كل الـ ف العنايه
Cours
لو بس ربع كلامي غلط مكنش زمانه وصلنا هنا
ونا مبقولش متتعلمش بس متتعشمش كدا
خلص تعليمك و شوف بنت الحلال تسندك
سبعتاشر سنه تعليم لـ مرتب جاب بالعافيه حق الدبل
و انا مش فاشل لسه وعهدالله بحاول
لسه كلامكم دا بيأذيني و مخليني عايش بعافر
الشب منا اقصي احلامه يهج منها يسافر
لا تعليم ولا دين فالحين بس فـ قولت الجيل دا فاشل
Vers.2
بس بقول الحمدلله انا بخير إلي حد ما
بخسر كل مـ أحاول اهرب م الفات و دي المعاناه
مش هنساه .. كبرو ف سنين ونا كبرت ف ايام
كبرت لكن جوايا كلام لسه معرفتش معناه
عايزك تؤمن ان محدش حبك ولا هيحبك قده
ليه طول الوقت سايبه و لما تديق عليك تلجأله
انا ئشخص الـ كله عيوب و مفيش ف بوقه غير ئنصايح
انا الـ كنت اغلب م الغلب و قالو عليا صايع
انا كل شئ و عكسه انا الـ شاري و بردو بايع
انا العاقل و انا اللاسع .. ابن الناس و ابن الشارع
انا الادرجي و ابن امبارح .. شايل بس مسامح
انا الـ حاجه الـ مش مفهومه جوا منك انا المشاعر
احنا البلد الـ بتقطع رجل الناجح قبل ما يجري
وسط حشاشين بس النيكوتين معرفش طريق لـ صدري
لا حياة لمن تنادي دول كلمتين عل ماشي
نجاحك فيك مش ف الشهاده و ابقي افتكر كلامي
التعليقات