قالو ابن ناس متشدش مع انه داق وساخة الشارع
يمكن شب طايش بس عارف طريق الجامع
جدع و صاحب صاحبه زي ما قالو ونا اشهدله
عزت نفسه فـ نفس الضحكه مهما همه غير شكله
متلصم زي ازاز مكسر
ياما مات علي المخده و سامع برا ناس بتهزر
صعب ينسي ماشي بـ مسكن اسمه بكرا تحلي
عاش فـ اندهاش من الاحداث بحال متوصفوش ولا كلمه
استني لحظه في شئ عكس السيناريو مكنش فاهمه
كان الغريب ان الـ اتجاهلو تعبو ناس من دمه
اداهم درس فـ الانسانيه اداهم حضن مع انه فاقده
فـ علموه ان الحنان و الغلب كخ و حرقو قلبه
بيعافر ضد القدر فـ طبيعي القدر غلب
رضي بكل شئ اتكتب لحد ما كل شئ اتقلب
بني مينا عشان زمان موج الدنيا خد المركب
طفل عنيد و امله فـ بكرا خلي همه نام م المغرب
Cours
تقل دماغة توزن بلد تقنعك بأنه المغفل
عيل قاري ناس ملاحده عاملين ملايكه و عامل اهبل
معرفش ازاي بيواسي الكل ده عايز الـ يواسيه
و ازاي بيجبر خاطر كله ده حد خاطره اتداس عليه
زي كل مره وقعت سمعت مات خلاص
و انا زيي زي القدس بصنع درعي من الرصاص
وقعت و لسه هقع يـ دنيا العند ده ملعبي
مش قولتيلي هتهديني ، طب شايفك ليه بتنهجي
Vers2
كنت اجمل م الحواديت و اتقلبت الموازين
نص عمري علي السرير قاعد مستني عزرائيل
و لعلمك دفعت كتير خسرت عشان غشيم
كنت بلعب عل يشيل فـ لا طولت حلم ولا تعليم
كان ف ايدي كام جنيه بس اصلا فـ الدماغ ملايين
فـ حلفت ميت يمين اثبت للدنيا انا ابقي مين..
حلفت لأبقي و قولت لأ ، بلاش مناهده فـ للكلام ده
رغم كل وقعه حلفت لأبقي دولار ف وسط فكه
"و دي الشطاره" اطلع نضيف مـ الحاره
كل سكك الضرب دي يـ ابن الناس كانت اولها سجاره
و بصراحه حوليا ناس البعد عنهم راحه
و ازاي قدرو يخيروك ف السن ده بين بابا و ماما
بس رساله لكل عين شافت هشام لا شئ هعميها
هنجح ف كل حاجه ابويا شافني فاشل فيها
هعوض نفسي عن الـ فات و عن سنين عدت عياط
اول نجم يطلع للسما و يلمع من تحت الانقاض
التعليقات