انا هبقي ضهرك و سندك دايما معاكي وجنبك
دايما بلاقي الدنيا فاتحة بيبانها ليا
انت اللي انا قلبي ليها روحي ماتغلاش عليها
قدام عنيكي بتبقي ضاحكة الدنيا ليا
وخلاص هعيشلك كل ايامي اللي.جاية
انا الاب اللي ناوي يشيل ولادك جوه عينه
ويشوف في عينهم ضحكتك بتدفوا بحنانه
وانا الجد اللي يوم هيقولوا عنه ده كان وكان
لاخر يوم في عمره معاها ماسابش ايدها عشان
كان وعده ليكي تكوني اخر حاجة بيشوفها
واخر كلمة طلعت منه ليكي ......بحبك
انا الحضن اللي لو يوم خوفتي دايما تلقي فيه
حضن اب لبنته لما بتجري تلقي امانها فيه
واهب قلبي وحياتي و عمري كله ما بين ايديكي
مكانك جوه قلبي وقلبي مافرحش الا بيكي
خلاص م الليلة هبدأ احلي ايام عمري جنبك
ولا خر يوم في عمري هعيش اقولك ... بحبك
التعليقات