مساحة إعلانية
لـ تاني مره تنزل مني دمعه اخاف ابيّنها
واحشاني و بفتكرها انا بحن و لسا عايزها
يا عم ما تنسى .. صدعت امي كل يوم بـ سيرتها
النسوان الجامده بتتنسي بالنسوان الاجمد منها
انت مش هتحس بيا
لا حاسس و عشان كده بفهمك
الضربه اللي مبتموتش هتقويك و هتعلمك
بس انا متوقعتش كده
هي كانت متأكده
زمانها مع واحد شبهها و بينيّمها متنكده
تفتكر هاخد حقي ؟
ده انت حقك جالك يابني
كفايه انك بعدت قبل ما هي تقولك ابعد عني
و انت الكسبان افهمني
كانت بتهد فيا و ببني
و ايه اللي نابني غير كسرة قلبي و اغاني بتزعلني
حبيتها حب مش هتتحبه مهما تدور و تلِف
بلاش توقف فيلم حياتك و تخلي الشريط يسِف
بس انا مبتحسنش
سبب حزنك ميحزنش
لو حبها كان مرض بكرة هتنسى و مع الوقت تخف
كله مشي و ايه اللي اتبقى .. غير شفقه
غير دمعه مني نازله و كتمة النفّس و الخنقه
مش لايقه الفرحه عليا و كل معارفي طلعوا سكه
اتباعت بـ فكه .. و اتسابت لوحدي كل ليل في عركه
كله مشي و ايه اللي اتبقى .. غير شفقه
غير دمعه مني نازله و كتمة النفّس و الخنقه
مش لايقه الفرحه عليا و كل معارفي طلعوا سكه
اتباعت بـ فكه .. و اتسابت لوحدي كل ليل في عركه
عاجبك حالك كده ؟ .. اصبحت من غير قلب
حبيتها ليه و على ايه طب قولي فيها ايه يتحب ؟
ليه من الاول صدقت و اتعلقت بـ حبل شنق
ملعونه الطيبه يا عم اللي بترمينا على ولاد كلب
حبيتها بجد .. مجاش مكانها اي حد
الحزن في قلبي زاد بعدها و الفرح بقى عـ القد
و ايه اللي جد ؟ .. لسا الدموع بتسيل عـ الخد
كانت جمبي وقت الضحك بس و مشيت وقت الجد
و اديك فهمت .. امسح دموعك كله رايح
انا اكتر واحد نصحك و مبعملش بالنصايح
انا زيي زيك ضايع بس بقوى و بعمل ناصح
بحزن برضو و متفكرش اني مركّب على قلبي مراوح
كنت فاكرها خناقه و هنتصالح زي كل مره
كانت اكبر صدمه .. اني اسمع منها " اتفضل برا "
بقيت حزين .. حزين بجد مش بهرج
شايف كل حياتي اهي بتتدمر و انا واقف بتفرج
كله مشي و ايه اللي اتبقى .. غير شفقه
غير دمعه مني نازله و كتمة النفّس و الخنقه
مش لايقه الفرحه عليا و كل معارفي طلعوا سكه
اتباعت بـ فكه .. و اتسابت لوحدي كل ليل في عركه
كله مشي و ايه اللي اتبقى .. غير شفقه
غير دمعه مني نازله و كتمة النفّس و الخنقه
مش لايقه الفرحه عليا و كل معارفي طلعوا سكه
اتباعت بـ فكه .. و اتسابت لوحدي كل ليل في عركه
التعليقات