مساحة إعلانية
كان عنده حلم انه يحرر بلده و قال انا نازل
عايز عدالة و عن الحرية انا مش هتنازل
مكانش خايف من رصاص ولا حتي قنابل
لو حتي دانة دبابة بصدره ليها هيقابل
شايف الدم يسيل و ارواح عمالة تفارق
صابر و الصبر جميل ولا عمره للميدان هيفارق
ماسك في ايده طوبه , و قصاده ميت سلاح
ووقت صلاه الفجر يلا حي علي الفلاح
و يلا بينا نسجد و رصاص عمال بيحصد
ارواح شباب طاهرة ماتت و قلوب بطلت تنبض
شباب ماتو فدانا شباب ماتو عشاننا
شباب راحو في سبيل ان احنا نكون مستقبلنا
ليهم الف تحية ليهم الف سلام
ليهم الف شاهد شاهد علي عدم الاستسلام
و ليهم كل الحب . ليهم كل احترام
اللى ضحوا بروحهم عشاننا عشان نعيش في سلام
يا مصر قومي و شدي الحيل الليل انزاح
خطي و عدي و ابنك معاكي في ايده سلاح
بروحه يحميكي يا مصر قومي الكون براح
يا مصر مهما طال الليل لازم هايجي صباح
طلع النهار و الفجر شقشق بروح الانتصار
ارواح جديدة بتتولد زي مواليد صغار
قصة لولادنا هتتسرد مهما طال الانتظار
طلع النهار و ليلنا الطويل سابنا و غار
بلادي بلادي بلادي لكي حبي و فوأدي
في كل مكان في بلادي سامع شهيد بينادي
طول ما الحب موجود , لازم العدل يسود
احساس الثورة لازم يفضل جامعنا و موجود
جه الوقت نحط ايدينا في ايدين بعض
يا مصريين مسلمين و مسيحيين
نبني و نعمر و نكمل بأدينا العهد
اللى كتبناه بالدم احنا يوم 25
من بعد ما راح الخوف من بعد ما مات الذل
انا مصري و صوتي عالي اهو قدام الكل
انا عايز ابني اعمر , لولادي اربي اكبر
يعرفو يعني ايه ابيض و اسود و احمر
التعليقات