وسوسة في عتمة مكان بمقدمات كمان
دق درامز بقوة رسم لوحة للزمان
عيون بتراقب كل عقرب لف جوه ساعة
تشوشر علي موجات الراديو بإطلاقه الإذاعة
سكوت عشان هيبدأ مشهد نادر اوي من نوعه
خيال لفلاش بعيد بدأ يهل علينا سطوعه
كاميرات ليلية مخفية بترصد كل لحظة
انفاس بتقطع و تعافر ارواحهم بس عاجزة
ممارسة للحياة اليومية بس اللحظة دي تفرق
هيموت عصب و يحيي ادريناين و مش هتغرق
بدأ واقع مختلف مش موجود ابداً في سلالته
مهما جري فموقفك اوعاك تبقي سارده
ظهرلي مارد صامد ساند علي عمدان الكون
المشهد مش خيالي ولا وصلت للجنون
وسوسة لتجسيد شخصية تسخيرها استحالة
تعالي كبرياء خوف كبت يوصف كل حالة
وسواس غوي الناس هدفه تحويلك لعبد
محاولاته و خداعه فإنك تؤمن بيه فقط
تخيلات و تساؤلات اشمعني انا اخترتني
طيبتك سذاجتك كل شئ جواك شدني
استسلم ليا اظهرلك الكون حواليك جنتي
معاصي كله حرام .. غرضي تحبني
هتقاوم .. اقسم باللي خلقني و اللي خلقك
هموت فيك مشاعرك .. هكون زعلك و قلقك
اتبعني مش هيفيدك .. ولا حاجة من ايمانك
كلامي ليك سنتك .. اغانيه انا قرأنك
انقذ نفسك من كدب هدايتك دنا إله دنيتك
خضوعك و وولائك لكلامي ضمان جنة اخرتك
هاعرفك غيب السما و ارسملك مستقبلك
ماحدش غيري سندك في بعدك عنه اقبلك
اقسمت اغويك ليوم الدين ده حقي مش هفلته
انا اكرم منك انت وهما انا اولي بجنته
سيبتك تسيطر علي مبادئي لكن خايف اندرج
لو اقتنعت بكلمة هتلط في سكتك و اندمج
محتار مع اني عارف اليمين من الشمال
خايف اتعود ع الحرام و انسي طريق الحلال
كل المفروض مرفوض بس العقل منطق قلبي
اوقات بجيلك بإراداتي بس الذنب مش ذنبي
سكتك عوء دنيويه ضلمة لكن ممتعة
حججك في قناعة جنس البشر بالغلط مقنعة
تعاويذك بتبين شراهتك في انحلال سلالتي
بلوص في سابع ارض بشوفك جوه مرايتي
مازال قدامي فرصة اكون بني ادم وارجع
مازال متاحلي اني اقبل النصيحة و اسمع
سلبت قوت جنتنا خرجتنا من الرحمة
فضيت علينا الجنة النار لمتنا جوه زحمة
عشناها حلوة بس المُر ضاق علينا طفحه
موتناها مرة اتغيرت ملامحه القحط مسحه
التعليقات