مهما تدور بينا تدور الدنيا مثلها ما الاقي
حبها بقلبي يتجدد و يكبر حتى تتساقط اوراقي
الوحيدة اللي تحميني من غدر الدنيا ما في اي مصالح غير الحب ما يجمعنا
ربي تحميها لي حبها جوا قلبي للأبد باقي
تسع شهور حملتي فيني
تحملتي أصعب عذاب بس لحتى تولديني
يوم اللي ولدت فرحتي وانتي عم تعاني الالم
يوم اللي مرضت سهرتي ما تركتيني لأتحسن
حتى الصبح ما نمتي لحالي ما تركتيني
تعبتي كتير لربيتيني كل ما اغلط تأنبيني
كل ما بوقع بتوقفيني على حيلي تسنديني
تصبريني و تنصحيني ما بتفكري الا فيني
قلبك نقي وفي صافي
قد ما كبرت بضل بعيونك طفل عم يكاغي
عند غيابي بتخافي لو كان صايبني مكروه
لا تخافي بترجاكي مو ناقصني غير رضاكي
البسمة على وشك بتخلي الدنيا تضحكلي
قد ما كانت ظروفي صعبة قد ما كنت عم اشكي
ابتسامتك بتكفي لترد الحياة
صدقيني لو قلتلك انك ام المعجزات
انتي يلي ربيتينا انتي ياما حبيتينا
انتي يلي ربيتينا انتي ياما حبيتينا
يا مدللة يا مدللة رضاكي انا محتاج
يا مدللة يا مدللة لحطك عراسي تاج
بعتذرلك يا حنونة
عن كل لحظة سمحت فيها تنزل الدمعة من عيونك
عن تقصيري عصياني ألمك عند ولادتي
صبرك عإزعاجي سهرك عرعايتي
اعتذاري ماهو كافي للهفة قلبك الحنون
علي و على اخواتي بتسوى عندي كل الكون
انتي بالنسبة لي عيون دنيا دونك بلا لون
ليكي رح ابقى لآخر لحظة بعمري ممنون
وجودك حياة دعائك نجاة
بدعي ربي من كل قلبي يومي يجي قبل يومك
يا ست الحبايب يا كل الوفا
لو يطلع بايدي شيل من عمري حط بعمرك
مالي قادر عوضك مهما عملت عن فضلك
يا من قلبها رآني قبل عينيها
لغير الله السجدة لو محللة لأسجدلك
يا من تمشي و الجنة تحت قدميها
انتي يلي ربيتينا انتي ياما حبيتينا
انتي يلي ربيتينا انتي ياما حبيتينا
يا مدللة يا مدللة رضاكي انا محتاج
يا مدللة يا مدللة لحطك عراسي تاج
التعليقات