لما تلقى الدنيا ضاغطة
في وقت شدة تشوف كتير
كل وش كان مجامل
كان أساس الوش جير
اوعى تغفل مره واصحى
لو ينام ثانيه الغفير
مش بعيد يخفوله أرضه
يلقى نفسه عالحصير
كل صاحب له حقيقته
وقت زنقه يبان له لون
في اللي خلّع نفسه منها
في اللي واقف صد جون
في اللي يبان لك إنه ضهرك
بس غارز فيك قرون
في اللي كان مصلحته أولى
كت باعك للزبون
دب هب طب شب
كل واحد له خيال
في اللي وقت الزنقه
صب كل حيلته عاللي مال
واللي غب كان مدب
واللي قب بالشمال
كفه تلقى الندل فيها
وكفه تلقى ولاد حلال
في اللي صد واللي هد
كل فرد اصله بان
حيطه سد عايزه حد
يكون اسد وسط الغيلان
مش يكون الهم عد
ووقت جد يكون جبان
اوعى مره تسيب لحد
حد سيفك مهما كان
ياللي كنتو منا
ناموا نيننا بكفاياني
ناس رخيصة عملوا منا
طلعوا فرز تاني
وقعت وزعوني
قومت قاموا رجعوا تاني
ياللي كنتو منا
ناموا نيننا بكفاياني
جوه مركب صحبه عايشه
كل ايد حاضنلها ايد
وفي مهب الريح تعافر
مهما كان الريح شديد
يوم ما يبقى البحر هايج
تكتر القروش تزيد
تلقى صحبه بجد واقفه
عامله سورها من حديد
لو هيحصل مهما يحصل
تلقى ناس بتقول امين
ناس بتبني معاك سلالم
ناس في ضهرك موجودين
في اللي لسه معاك مكمل
في اللي راح ويا السنين
بس مهما راحو
ليهم فضل عالي يساوي دين
ياللي كنتو منا
ناموا نيننا بكفاياني
ناس رخيصة عملوا منا
طلعوا فرز تاني
وقعت وزعوني
قومت قاموا رجعوا تاني
ياللي كنتو منا
ناموا نيننا بكفاياني
دب هب طب شب
كل واحد له خيال
في اللي وقت الزنقه
صب كل حيلته عاللي مال
واللي غب كان مدب
واللي قب بالشمال
كفه تلقى الندل فيها
وكفه تلقى ولاد حلال
في اللي صد واللي هد
كل فرد اصله بان
حيطه سد عايزه حد
يكون اسد وسط الغيلان
مش يكون الهم عد
ووقت جد يكون جبان
اوعى مره تسيب لحد
حد سيفك مهما كان
ياللي كنتو منا
ناموا نيننا بكفاياني
ناس رخيصة عملوا منا
طلعوا فرز تاني
وقعت وزعوني
قومت قاموا رجعوا تاني
ياللي كنتو منا
ناموا نيننا بكفاياني
التعليقات