24 ساعة على بلكونا عم اتطلع
24 ساعة بقول بقلبي ريتا تطلع
استنى
اتأنى لحتى بشوفتا تتهنى
ولما تطلع بتطلع بعيونا منن باخد معنى
معنى
حيرني بين معلق و بين مطلق
وبين اني بهالحالة لساتني عم اقلق
لو فرزدق كان محلي ما كان عرف يتصرف
لساني بيعجز عن نطق الكلمة بمحلا بيخرس
بيني وبينا 10 امتار بس بنظري 10 كيلو
صوتا عذب نقي بسمعها لما اخوها تناديلو
بكون عم ادرس بتطلع فيها بعين
بتاني عين عالدفتر بس لو عندي زيادة عين
لحطا عليها تحرسها من الحساد اللي حواليا
ربي حميا انحطت عيني عليها من لما تطلعت فيها
جمالا بقلبا تقدر تقعد محل القمر
طبعا مرح من قلبا طيب من عيشتا ما بتتزمر
طول ما عم اتطلع فيها بكسب من عيونا طاقة
طاقة خلتني اقعد ادرس بلياقة
بدل الكلمة ال بدرسها بدرس 10 بنظرتها
عيني بعينا بسمتها يا سبحان من خالقها
لو قالولي شو قيمتها لقلن بوزنا دهب
لا يا ربي مال الدنيا قليل عالأخلاق و الأدب
حاطط قدامي بدي اكسبها صديقة دهر
اما الحب او الجازة تاركهم عكيف القدر
24 ساعة
فيكي عم فكر
24 ساعة تفكيري فيكي ما بملل
غير صدقك مو متأمل وبالي فيكي مشغول
والصراحة بيني وبينك هي بتخلق الميول
ميول بخلينا نفتح بيناتنا طريق
تكونيلي أغلى صديقة و كون الك اغلى صديق
بالبداية نكون مثال حقيقي لأفضل صداقة
بالنهاية الله بيعلم شو حتكون بيننا العلاقة
كنتي محتاجة شخص يوقف جنبك تلجأيله
يساعدك بكل ما عنده لتحبيه و تقدميله
كل الاخلاص و الوفاء والصدق مع الصراحة
وهو يحبك من كل قلبه ويوصلك للحظة راحة
راحة بالك و انا كنت محتاج مين توقف جنبي
قلا على جروحي و هي تكون دوا لقلبي
تكون توأم روحي
تكون دوا جروحي
تكون كل شي عندي بالحب معا حقق طموحي
مستعد قدم كل شي لو لاقيت هيك انسانة
تفهمني تهتم فيني وتبعدنا عن الخيانة
تقدر تحافظ علي تتحمل غيرتي و عقلي
ماتكذب ولا تخبي علي لما بعد تشتقلي
تفهمني و تتحملني ما تحيجني لوحدة غيرا
ابقى حدا و تبقى حدي تتأكد معي مصيرا
نعيش سوا للأبد عالحلوة و المرة مع بعض
نضحي و نتحمل و نقدم حتى المستحيل لبعض
24 ساعة على بلكونا عم اتطلع
24 ساعة بقول بقلبي ريتا تطلع
استنى
اتأنى لحتى بشوفتا تتهنى
ولما تطلع بتطلع بعيونا منن باخد معنى
معنى
24 ساعة
فيكي عم فكر
24 ساعة تفكيري فيكي ما بملل
غير صدقك مو متأمل وبالي فيكي مشغول
والصراحة بيني وبينك هي بتخلق الميول
التعليقات