خلصت املالي كاسي .. الوضع ده انتكاسي
دفنت زياد بتاع روبانزل او فرحه و عكازي
لـ امتى هآسي ؟ .. و انتي بتتحضني و تتباسي
اصبحت قاسي فتحت زنزانة دساسي
بما إن " إن بعض الظن إثم " فـ قلبي عُمره ما ظن
ضن
قلبي انا لو حن عمّرت الشوت جن
و انا مش بهاجم .. اتمنى هُدنه رفعت رايتي
قالولي " هنفضل " بعدوا و خليت جماجمهم طفايتي
مسكت ورد مسكوا مطوه احزاني عملوا على قلبي سطوه
هاتوا اخركوا يلا و البقاء للأقوى
على ايه بتتبطر ؟ .. كانت كوره بين الرجلين تتسنطر
كلامي مش متفلتر .. عوزت قلبها و عازت عنتر
كده عيب اوي .. صاحب الحق قوي فـ انا هستقوى
بلاش تزعلي حضنك كان كباريه و مكانش مأوى
مش فارقه مين فينا اللي ساب و مين اتساب
سيبك من قلبي اللي داب و يلا هزّي للشباب
الآن .. انا قلقان و قلبي من الاحزان ولعان
انفع ديلر اكتئاب منفعش اكون عاشق ولهان
حزني جالي بسرعة جداً مين بس اداله العنوان ؟
انا امتى اتعان يا جدعان .. سالك مع ناس مش جدعان
الآن .. انا قلقان و قلبي من الاحزان ولعان
انفع ديلر اكتئاب منفعش اكون عاشق ولهان
حزني جالي بسرعة جداً مين بس اداله العنوان ؟
انا امتى اتعان يا جدعان .. سالك مع ناس مش جدعان
ده المغذى .. اتعشيت بيها قبل ما بـ قلبي تتغدى
فيه فرق شاسع بين آهات جراح و آهات لا مؤاخذة
عايزه الحق ولا عايزه ابن العم اللي وراه ؟
انا خوفت عليكي من الوجع طلعتي غاويه تقولي آه
رُوحي كُلي عيش .. عذبوني عذاب كفار قريش
ولا ليلي ولا انا قيس بسأل ليش تركتي ليش ؟
مش براب لـ اندر ايدج .. مش هعجب ام آدم
مش هيعترفوا بيا ما هو إبليس رفض يركع لـ آدم
فيا الف بلا و بلا حزني شافني قال يا هلا
بما انك في الاحزان قهوجي اعملي قهوه يالا
متعرفش حد إن انا زعلان عشان فيا ميفرحش
قال إنه " صاحبي " ازاي ده ناقص معرفته متشرفش
جروحك مش هتلم بـ علب الـ ال ام
لو عايز واحده تحبك إرسل كلمة دريم او حلم
حطولي الحزن في فنجان قهوه كأنه سم
زياد او دساس او بياع كئابه 100 شخصيه بـ ألف اسم
الآن .. انا قلقان و قلبي من الاحزان ولعان
انفع ديلر اكتئاب منفعش اكون عاشق ولهان
حزني جالي بسرعة مين اداله العنوان ؟
انا امتى اتعان يا جدعان .. سالك مع ناس مش جدعان
الآن .. انا قلقان و قلبي من الاحزان ولعان
انفع ديلر اكتئاب منفعش اكون عاشق ولهان
حزني جالي بسرعة جداً مين بس اداله العنوان ؟
انا امتى اتعان يا جدعان .. سالك مع ناس مش جدعان
التعليقات